Google ADS

Pas shqiptareve, Rama sulmon mediat italiane: Tmerr, kazanë, reportazh të ndyrë

00:03 | 12 Nëntor 2017
Trina Galanxhi

Kryeministri Edi Rama nuk ka kursyer fyerjet dhe ndaj medieve italiane, teksa i ka cilësuar disa prej tyre si kazanë. Referuar një reportazhi të bërë nga një media italiane për Bulqizën, Rama tha se i ka ardhur inat me ata italianë që kishin nxjerrë ca fëmijë që mblidhnin krom.

Teksa po drekonte sot me një familje në Bulqizë, shefi i qeverisë e cilësoi reportazhin e italianëve si të ndyrë, ndërsa tha se ishin përdorur filmime të vjetra.

“Më erdhi inat me ca italianë, se dhe atje kazanë sa të duash ka, kishin bërë një reportazh të ndyrë për fëmijët që mbledhin krom, me filmime të vjetra. Tani mund të ketë ndonjë rast sporadik, por s’është më siç ka qenë. Për të treguar: Ja Shqipëria! Tmerr.. tmerr. Ç’a të thuash. Kazanë gjithandej…”, tha Rama.

Shpërndaje në rrjete sociale

Lajmet më të lexuara

Të ngjashme

Foto lajm